संविधान कार्यान्वयन गर्न सरकारले चासो देखाएन : पौडेल

33

File Photo.

हेटौडा, ०१ असार – नेपाली कांग्रेसका वरिष्ठ नेता रामचन्द्र पौडेलले वर्तमान सरकारले संविधान कार्यान्वयन गर्न चासो नदेखाएको आरोप लगाएका छन् ।

नेता पौडेलले बुधबार नेपाली कांग्रेस मकवानपुर क्षेत्र नम्बर–३ को एकदिने क्षेत्रीय प्रशिक्षण कार्यक्रमलाई हेटौंडामा सम्बोधन गर्दै उक्त कुरा बताएका हुन् ।

उनले अब संविधान कार्यान्वयनको नेतृत्व कांग्रेसले गर्नुपर्ने बताउँदै ‘संविधान कार्यान्वयनका लागि स्थानीय निकाय निर्वाचन गर्न आवश्यक छ’–भने ।

सो कार्यक्रममा क्षेत्र नम्बर–१ का सांसद ईन्द्रबहादुर बानियाँ, रघुरमण न्यौपाने, बुद्ध लामा र तारानाथ चौलागाइँलगायतका वक्ताले कांग्रेस संगठन विस्तार र नेतृत्व विकाससम्बन्धी विचार व्यक्त गरेका थिए । रासस