ढाकामा आतंककारी आक्रमण, सुरक्षा कारबाही सुरु, नेपाली सुरक्षित

    74

    ढाका, १८ असार – बांग्लादेशको राजधानी ढाकाको बाहिरी भेगस्थित बन्दुकधारीहरुले करिब २० जनालाई बन्धक बनाएको एउटा क्याफेमा सुरक्षाकर्मीहरुले कारबाही थालेका छन्।

    भीषण गोलीबारीका आवाज सुन्न सकिन्छ। बन्धक बनाइएकामध्ये अधिकांश इटलीका नागरिक छन्। टोकियोस्थित जापानी सरकारका एकजना प्रवक्ताले बन्धक मनाइएकामध्ये केही जापानी नागरिक पनि हुन सक्ने बताएका छन्।

     

     

    आक्रमण

    एकजना प्रवक्ताका अनुसार गोली हानाहानमा दुईजना प्रहरी मारिएका छन् भने करिब ३० जना घाइते भएका छन्।

    तथाकथित इस्लामिक स्टेट समूहले आफूले आक्रमण गराएको बताएको छ।उक्त समूहको समाचार एजेन्सी अमाकमा उपलब्ध एउटा वक्तव्यमा लडाकुहरुले ‘प्रायः विदेशीहरु गइरहने’ एउटा रेष्टुराँमा आक्रमण गरेको उल्लेख छ। आक्रमणमा विभिन्न मुलुकका २० जनाभन्दा बढी नागरिक मारिएको दाबी गरिएपनि त्यसको स्वतन्त्र पुष्टि हुन सकेको छैन।

    बम

    इस्लामवादी लडाकुहरुले धर्मनिरपेक्ष ब्लगरहरु, समलिङ्गी अधिकारवादीहरु, प्राज्ञ एवम् केही धार्मिक अल्पसंख्यकहरुको हत्या गरेको आरोपमाझ क्याफेमा पछिल्लो आक्रमण भएको छ।

    एकजना प्रत्यक्षदर्शीले भने, “मैले पिज्जा बनाउने भान्सामा काम गरिरहेको थिएँ र दुईजना व्यक्तिले आक्रमण गरिरहेको देखेँ। मानिसहरु लुक्न र भाग्न थाले। म घरको छतमा पुग्न सफल भएँ। उनीहरुले बम फालिरहेका थिए र झ्यालहरु हल्लिरहेका थिए।”

    ‘मैले पिज्जा बनाउने भान्सामा काम गरिरहेको थिएँ र दुईजना व्यक्तिले आक्रमण गरिरहेको देखेँ। मानिसहरु लुक्न र भाग्न थाले। म घरको छतमा पुग्न सफल भएँ। उनीहरुले बम फालिरहेका थिए र झ्यालहरु हल्लिरहेका थिए,’ एकजना प्रत्यक्षदर्शी

    बांग्लादेशका लागि इटलीका राजदूतलाई उद्धृत गर्दै त्यहाँका सञ्चारमाध्यमहरुले जनाएअनुसार इटलीका सातजना नागरिक क्याफेभित्र रहेको अनुमान गरिएको छ।

    प्रहरीले स्थानीय समय अनुसार बेलुकी ९ बजेर २० मिनेट जाँदा क्याफेमाथि बन्दुकधारीहरुले फायरिङ्ग शुरु गरेको जनाएको छ।

    नेपाली सुरक्षित

    उक्त क्याफे विदेशी नागरिक, कूटनीतिज्ञ र मध्यम वर्गीय परिवारमाझ लोकप्रिय रहेको बताइन्छ।

    यसैबीच, ढाकास्थित कार्यवाहक नेपाली राजदूत सुशीलकुमार लम्सालले बांग्लादेशमा रहेका नेपालीहरु सुरक्षित रहेको बीबीसीलाई बताएका छन्।

    उनका अनुसार घटनास्थल नेपाली राजदूतावासदेखि करिब एक किलोमिटर टाढा छ।

    बन्धक प्रकरणमाझ मान्छेहरुमा त्रासको अवस्था रहेको लम्सालले बताए।बिबिसी