ब्ल्याकमेलिङको आरोपमा पूर्व मन्त्री गुप्ता पक्राउ

158

काठमाण्डौ २१ भदौ । पूर्वडिआईजी रञ्जन कोइरालाकी कान्छी श्रीमतीसँग ब्ल्याकमेलिङ गरेको आरोपमा पूर्वमन्त्री श्यामसुन्दर गुप्ता पक्राउ परेका छन्। ललितपुरको ताल्छिखेलस्थित डेराबाट प्रहरीले उनलाई पक्राउ गरेको हो। जेठी श्रीमती हत्याको आरोपमा जेल जीवन बिताइरहेका कोइरालाकी कान्छी श्रीमती तारा रेग्मीलाई १ सय पटकभन्दा बढी फोन गरेर गुप्ताले ५० लाख मागेको प्रहरीले जानकारी दिएको छ।
नदिए अपहरण गर्ने धम्की दिएका थिए। रेग्मी रेड रोज इन्टरनेसनल प्रा।लि। धोविघाटकी सञ्चालिका हुन्। रञ्जनकी जेठी श्रीमतीको हत्या अभियोगमा रन्जनलाई सर्वस्वसहित जेल सजाय भएको थियो। तारालाई पनि ११ महिना १० दिनको जेल सजाय अदालतले तोतेको थियो। पछि तारा

पूर्व मंत्री गुप्ता
पूर्व मंत्री गुप्ता

पुनरावेदनमा गईन्। अदालतले सुनेन। त्यसपछि अर्को मानिसमार्फत ताराले सर्वोच्च अदालतमा पुनरावेदनका लागि निवेदन दिईन्। यस विषयमा अदालतले कुनै जवाफ दिएको छैन्।
प्रायः मलेसियामा बस्ने तारा नेपाल आएको बेला रञ्जनलाई भेट्न डिल्लीबजार कारागार जान्थिन्। कारागारमा रञ्जनका सबैभन्दा मिल्ने साथी थिए, पूर्वमन्त्री गुप्ता। त्यस बेलामा नै तारासँग परिचय भएको गुप्ताले बताएका छन्। ब्यापारी पवन सांघाइको अपहरण गरेको अभियोगमा गुप्ता त्यसबेला कारागारमा थिए।
३ वर्षको जेल जीवन बिताएर छुटेपछि गुप्ताले तारालाई ब्ल्याकमेलिङ गर्न थाले। तारा प्रहरीको फरार सूचीमा रहेको उनलाई थाहा थियो। अदालतले ११ महिना १० दिन जेल सजाय तोकेको बारेमा पनि उनलाई ज्ञान थियो। जेलबाट छुटेपछि उनले तारासँग पहिलो पटक १० लाख मागेको ललितपुर प्रहरीका एसएसपी पिताम्बर अधिकारीले जानकारी दिए।