राष्ट्रिय हिन्दू एकता मञ्चको केन्द्रिय सदस्यमा पंडित पुरुषोत्तम दुवे नियुक्त

40

2

वीरगंज,२९ बैशाख – राष्ट्रिय हिन्दू एकता मञ्च नेपाल केन्द्रिय कार्य समितीको बैठकले ज्योतिष सम्राट पंडित पुरुषोत्तम दुवेलाई केन्द्रिय सदस्यमा मनोनित गरेको छ । दुवे हिन्दू धर्म एवं संस्कृति रक्षाको लागि वीरगंज लगायतका क्षेत्रमा सक्रिय भुमिका निर्वाह गर्दै आएको हुनाले वहाँलाई केन्द्रिय सदस्यमा मनोनित गरिएको राष्ट्रिय हिन्दू एकता मञ्च नेपालका केन्द्रिय प्रचार प्रसार बिभाग प्रमुख ठुलीबाबा खड्काले बताए । खड्काका अनुसार नव नियुक्त केन्द्रिय सदस्य दुवेलाई हिन्दू धर्म रक्षा एवं संस्कृति जर्गेणाका लागि बिभिन्न समितीहरु गठन गर्ने एवं संगठन बिस्तार गर्ने समेतको अधिकार दिइएको बताए ।

राष्ट्रिय हिन्दू एकता मञ्च नेपालले हिन्दू धर्मको मर्म जनमानसमा बुझाउदै नेपाल राष्ट्रलाई वैदिक सनातन हिन्दू राष्ट्रको निरन्तरता कायम गराउन र वैदिक सनातन हिन्दू धर्म संरक्षण महा अभियानमा नेतृत्वदायी भुमिका निर्वाह गर्न सो जिम्मेवारी दुवेलाई दिएको र सो संस्थाको मुख्य वटम लाईन भएको खड्काले बताउनुभयो । नव नियुक्त केन्द्रिय सदस्यको दायित्व पत्र बुझदै दुवेले आफुलाई संगठनले दिएको जिम्मेवारी ईमन्दारीपुर्वक निर्वाह गर्ने र हिन्दू धर्म रक्षाको लागि आफु कुनै किसिमको त्याग र कुर्वानीको लागि तयार रहेको बताए । वीरगंज उपमहानगरपालिका वडा नं. १४ निवासी दुवे नेपाल ज्योतिष परिषदको केन्द्रिय सदस्य एवं विश्व हिन्दू परिषद पर्साको अध्यक्ष समेत रहेका छन् ।